TrashTour went around Macedonia for 6 days cleaning cities and forests, expanding our mission beyond Skopje!
Watch out next time you throw trash somewhere - we are everywhere now. You cannot hide anymore. To achieve our goal of a cleaner Macedonia, we decided to expand our clean-ups to a national level. After all, we cannot expect a big change by only acting in the capital. But what happened exactly?
1
TrashTour started on 1.7.2021, with an idea to go around the country and organize 6 cleaups in 6 cities.
2
We organized 4 cleanups in Skopje during the project.
Bridge Majka Teresa, Vardar
19 volunteers
25 bags of trash
Poligon, Kale
30 volunteers
50 bags of trash
Holiday Inn parking
26 volunteers
38 bags of trash
Dolna Matka
54 volunteers
115 bags of trash
3
TrashTour went on for 6 days and we went to 6 cities. What did we achieve?
0
bags of trash
0
volunteers
Previous
Next
TrashTour - overall
Kicevo
Ohrid
Prilep
Kavadarci
Strumica
Stip
TrashTour - overall
24 – 29 Август
6 дена, 6 града. Скоро секаде нѐ пречекаа глетки од ѓубриња по улици, мини депонии во природа и купишта шут и отпад, како што и очекувавме. Тоа што многу пријатно нè изненади е големата поддршка што ја добивме од вас!
Преку 160 ентузијастични волонтери учествуваа на нашите акции и заедно млади и стари собравме 439 вреќи ѓубре пропратени со бројна селекција на троседи, двоседи, скршени телевизори, делови од кола, фрлена облека, градежен шут… 
Со ваква активираност од ваша страна успеавме заедно да разубавиме неколку улици, зелени површини и брегови. Секако, има уште многу работа и уште многу ѓубре, но со ова докажавме дека на многу од нас им е смачено од ѓубрето и сме подготвени да направиме нешто околу тоа и дека во Македонија има соодветна клима за промена во ова поле!
Сакаме да ви се заблагодариме на сите што учествувавте на акциите. Без луѓе како вас, ова движење не би било возможно! Вие нè инспирирате да продолжиме да работиме со полна пареа и да продолжиме да се бориме заедно со вас за почиста Македонија!
Освен што работевме и чистевме, видовме разни краишта на Македонија запознавме и се дружевме со многу убави луѓе и воспоставивме контакти со разни организации и еко-движења низ државата.Огромна благодарност до сите кои ни помогнавте во организирање на акциите и нè поддржавте на разни начини.
Неверојатно добро си поминавме во секој град! Ова за нас беше една уникатна авантура. Ви испраќаме многу љубов и позитивна енергија на сите! Бидете така! 
Kicevo
24 Август
Турнејата дефинитивно започна со бум! Влеговме директно во еден од градовите кои за жал ги имаат најголемите проблеми со ѓубрето. Но, тоа не ги обесхрабри Кичевчани да се појават на чистката во голем број и со голем ентузијазам за акција! Со убав број од 50 учесници го исчистивме предниот дел на правниот факултет, игралиштата за баскет, кејот и коритото на реката. Собравме 106 големи вреќи ѓубре и солидна селекција на здрава облека и кондури од која нешто си земавме дома и си исправме. Акцијата ја прославивме со квалитетна дружба на Китино Кале со дечките од Извиднички одред “Мирко Милески” / Scout group “Mirko Mileski” кои беа најбројни на акцијата и беа одлични партнери за нејзиното организирање.
Сепак, во Кичево сѐ уште останува проблемот со несовесно фрлање ѓубре, кој нема да се реши преку ноќ, но со вакви чекори го започнуваме бранот на еко-активизам и будење кој и натаму треба заедно да го одржуваме. Борбата продолжува!
Благодарност до Добра Вода што ни обезбедија освежување во текот на работата.Ohrid
25 Август.
Само еден ден поминат, а веќе толку работи се имаа случено, како една недела да прошла.
Се упативме кон Охрид. Овој пат метата ни беше малку надвор од градот, односно патчињата кои го поврзуваат Горица 3 паркингот со Хотел Инекс. Овде ѓубрето беше посуптилно, навидум чисти улички, но кога ќе ѕирнеш во џбуновите хоророт станува очевиден.
Тежок предизвик, бројни шишиња и мали ѓубренца заробени во трња, а посебно нѐ предизвика љубовниот свод на крајот на патот што беше опремен со безброј влажни марамчиња исполепени по асфалтот и во тревите.
Се собравме интересен склоп на луѓе. За наше изненадување за нашата акција беа дознале две госпоѓи од Англија кои со многу ентузијазам нѝ се приклучија. Дури и неколку луѓе што не знаеја за акцијата, на случајно минување кога видоа што правиме нѝ се придружија. Тука беа и дечките од Чист Охрид кои ни помогнаа со избирање локација и на самата акција, а Енхелеус Лихнид – Enheleus Lihnid паралелно спроведоа акција на друго место. Како специјални гости ги имавме и Природна Перспектива – Natural Perspective. Засукавме ракави и се впуштивме во јакото. 34 волонтери собравме солидна бројка од 60 големи вреќи ѓубре!
На крај бидејќи се осеќавме особено валкани, прославивме со едно ноќно бањање за душа и почнавме психички да се спремаме за Прилеп. Борбата продолжува!Prilep
26 Август.
Тука почнаа да се јавуваат првите препреки во турнејата. Стигнуваме на локацијата во Прилеп и што да видиме… нема ниедно ѓубренце! Одлично, чисто место! Ама чекај, акцијата почнува за 2 саата и ќе доаѓаат луѓе. Брзо, уз паника, стресови и конфузија се раштракавме на сите страни со телефоните во една рака пробувајќи да договориме нова локација и со набрзина склопените сендвичи во друга рака бидејќи бевме прегладни.
За среќа, брзо најдовме алтернативна локација и се надевавме дека сите се известени на време и ќе нѐ најдат. Нѐ најдоа! Еден по еден, бројот на учесници почна да расте. Кога мислевме дека е толку, наеднаш од шумата излезе цела чета извидници од Извиднички одред Феникс – Прилеп / Scout Group Phoenix – Prilep и инстантно ни се зголеми бројот.
Чистењето на Шаторов Камен меѓу тивките борови шуми со поглед кон огромните голи карпишта наоколу беше медитација. Покрај вообичаеното ѓубре, лабаво си собравме и душеци, рамки од телевизор, седишта од камион, цигли, федери, сијалици, осигурачи, костур од лилјак, двоглед, метро, плочки. Освен медитација, носењето на сѐ ова од точка А до точка Б беше и добра физичка вежба. 31 волонтер, 57 вреќи+ горенабројаното
+ душа исполнета
+ околина чиста
Благодарност до Еко Свест Прилеп кои се ангажираа за помош околу организирањето и особена благодарност до Mende Kostoski кој во последна минута ни помогна со наоѓање на алтернативната локација.Kavadarci
27 Август
До кај стигнавме? А, да. Прилеп. Нѐ разбуди утрото, некој порано, некој подоцна. Кафе и доручек набрзина и патот под нозе за Кавадарци.
Бидејќи Кавадарци е еден од најчистите градови, фативме малку подалечно и поизолирано место, Брушански Залив, едно симпатично место на брегот на Тиквешко Езеро. Симпатично и загадено. Иако се наоѓавме на доста оддалечено место од градот, успеавме да се собереме скромна бројка од 17 луѓе, а спонтано ни се приклучи и еден од жителите на селото. Иако не бевме многу, убавото зајдисонце и мирната вода не мотивираа и заедно и со добро расположение го ослободивме брегот од 36 големи ќеси ѓубре. Малку е потребно за да се направи голема разлика. Благодарност до Екоживот, РЕЦ – регионален екоцентар Eco-Life Kavadarci без кои немаше да го најдеме ова место ѝ да му ја пружиме љубовта што му беше потребна.Strumica
28 Август
Ах, Струмица. Облачен мрзлив ден, за чудо имавме малку слободно време па решивме да отидеме во паркот, да легнеме на трева и да не мрдаме саат ипол. Изгледа такво било и општото расположение во градот тој ден бидејќи на нашата акција не се појави никој! 
Можеби оправдано бидејќи беше празник.
Како и да е, не дозволивме тоа да не обесхрабри. Толку бевме колку што бевме и решивме дека ние деветмина сами ќе се потрудиме колку можеме да исчистиме. Музиката на најјако, расположението на макс и ќеса под мишка. Не пројдоа ни 15 минути кога од нигде никаде се појави една мајка со мала ќеркичка која проаѓаше низ маалото. Нѐ праша што правиме и откако и објаснивме, веднаш реши да ни се придружи и заедно со детето се фатија за работа. Заедно 10 ипол луѓе собравме импресивни 30 големи ќеси ѓубре. Доволно беше и само еден човек да се појави. Ако барем на еден човек сме му влијаеле позитивно, сме го инспирирале и мотивирале, сме го прошириле движењето и сме успеале. И кога ви изгледа најбезнадежно знајте дека секогаш има луѓе што сакаат да работат, да помогнат и се желни за промена. А кога ги нема бидете вие примерот! Бидете вие мајката со детето! Ваша и наша задача е да ја вратиме надежта и мотивацијата кај тие што им фали. Да го разгориме жарот. Македонија нема да остане нечиста!Stip
29 Август Ништо немаше да нѐ подготви за тоа што нѐ чекаше во Штип. Локацијата беше совршена. Долги, широки и пространи дрвореди во околината на Мирјанина Црква. Тивко и мирно. Во никој случај место што би го поврзале со ѓубре, но меѓу дрвјата се криеја незамисливо огромни количини на отпад од секаков вид, создавајќи недобредојдена дисонанца во оваа хармонија.
Акцијата почна бавно. Еден по еден почнаа луѓе да доаѓаат. И уште да доаѓаат. И уште. И уште. Толку многу луѓе почнаа да се појавуваат што не можевме да започнеме со чистење, бидејќи на секои 2 минути доаѓаше нова група луѓе. Додека се освестиме, наеднаш станавме цела војска. Прекрасна глетка од толпа во зелени маици, возбуда во воздухот.
Со извици како да ќе војуваме се впуштивме кон ѓубрето. Нѐ шокираше ентузијазмот на учесниците. Имаше тони ѓубре, имаше огромни парчиња отпад што мислевме нема шанси да се собере. Нѝ се докажа спротивното. Троседи? Нема проблем! Група деца решително ги истркалаа од шумата до збирното место! Купишта метален и електронски отпад? Друга група не се тргнаа од местото додека не го собраа и најситното делче, иако ќесите почнаа да тежат по 10 кила и да се кинат. Трета група на раце м’кнеа габаритни остатоци од коли, мебел и градежен отпад. Вредно и сложно, 61 волонтер, завршивме огромна работа! Количината на отпад што ја собравме беше за чудење и ги надмина сите претходни градови! 150 големи ќеси ѓубре, многу од нив тежејќи и по 5-6 кила и огромен дел кабаст отпад.
Подобар крај на турнејата не можевме ни да замислиме! Благодариме, извидници од Извиднички Одред Еквинокс – Штип – Scout Group Equinox Shtip што безрезервно се ангажиравте за огранизација и дадовте максимум за време на акцијата. Благодариме Тошиќ Дарко што го вардеше собраниот отпад додека да го соберат. Благодариме AnaMarija што нѐ изненади со домашни пецива за крајот на акцијата, сите бевме прегладни. Благодарност до газдата на Coffee Lab што ни даде 50% попуст на сите пијачки кога дозна кои сме и што правиме. Благодариме на сите што придонесовте на било кој начин, што бевте дел од овој чин и се надеваме дека и натаму ќе продолжите да ја ширите оваа енергија!4
TrashTour - The movie!
За време на TrashTour се соочивме со интересни предизвици, научивме многу нови работи, стекнавме скапоцено искуство, запознавме многу убави луѓе и имавме презабавна дружба и авантури.
Сето ова се обидовме да го скоцкаме во еден краткометражен филм. Се надеваме дека овој филм ќе служи за потсетник дека има многу луѓе на кои им е дојдено преку глава од ѓубрето кои не сакаат да седат со скрстени раце и се подготвени да се активираат за промените што сакаат да ги видат! Се надеваме дека овој филм ќе ви ја разгори желбата за активност и ќе ве мотивира да бидете примерот за другите! Затоа што промената нема сама да дојде, мораме да работиме за неа.
Total impact during the project
0
bags of garbage
+ car parts, furniture, electronics, construction waste...
+ car parts, furniture, electronics, construction waste...
0
new volunteers in the actions
0
new followers on instagram
VOICES magazine
TrashTour - Mission impossible! TrashTour project aims to motivate people, inspire them to change, and create a garbage-free society. In a country as trashy as Macedonia, this is something urgently needed. And these young people made history.... read more
Ekran
TrashTour: The Movie! – документарен филм од „За Почиста Македонија“. Од 24 до 29 август тимот на еколошкото движење „За почиста Македонија“ тргна на турнеја во Кичево, Охрид, Прилеп, Кавадарци, Струмица и Штип организирајќи акции... read more
MKD
Филм за нашето ѓубре (ВИДЕО) Од 24 до 29 август тимот на еколошкото движење „За почиста Македонија“ тргна на турнеја во Кичево, Охрид, Прилеп, Кавадарци, Струмица и Штип организирајќи акции во секој град со поддршка од локалните жители. „За време а... read more
The project is coordinated and implemented by the team of Za Pochista Makedonija with the support of Volunteers Centre Skopje(VCS) and funded by Foundation Open Society Macedonia (FOOM).
Other partners
Sponsors
