За Почиста Македонија е еколошко движење со седиште во Скопје. Започна како една идеја да се мотивираат сите планинари и луѓе кои поминуваат време во природа да се грижат за неа и да не фрлаат ѓубре. После неколку чистки на планините и излетнички места решивме да се фокусираме и на градовите, бидејќи еко свеста се гради во нашето место на живеење.

Сликите и видеата од акциите ги инспирираа и другите да дејствуваат – како што и се надевавме. Мотивирани од успехот, нашиот тим од Гринфлуенсери почна да се проширува и да размислува на поголем план. Покрај кревање на свеста кај луѓето за почиста средина и поеколошки животен стил, нашата цел е истотака да создадеме една организација која ќе ги обедини сите досегашни организации кои се справуваат со проблеми поврзани со загадување, рециклирање и третирање на отпад во Македонија. Сакаме да понудиме место каде било кој би можел лесно да дојде до информации за еко-движења, организациите и нивните активности, за секој да може да одлучи како сака да се активираа.

Благодарение на проектот „European youth at the frontlines of active citizenship“, финансиран од ЕУ и организиран од страна на „Волонтерски Центар Скопје“, основачот на За Почиста Македонија доби можност да го започне движењето. Така започна, но приказната не завршува овде.

Беше сончев ден во планините кога Петар забележа дека природата и другарчињата не беа единствените работи со кои беше опкружен. Помеѓу високите дрјва и врвовите кои се протегаа до небото, не можеше, а да не забалежи нешто што не се вклопуваше во замислата за вообичаени глетки при прошетка во природа – безброј купишта од стари, валкани шишиња од вода и пиво, амбалажни ѓубриња од храна, пикавци… Како може природата, нешто заедничко за сите нас, да изгледа вака?

Несебично, оваа група од млади планинари ги извади своите ќеси и почна да ги полни со сè што не припаѓаше на планините. И така од тој момент, па натаму, секое планинарење или излет во природа доби поголемо значење, со желба да се направат местата поубави за секого и да се постави пример за сограѓаните преку споделување на „сториња“ од чистките на социјалните медиуми.

По некоја случајност (или не), месеци подоцна Петар наиде на повик за иницијатива објавен од „Волонтерски Центар Скопје“: „Дали имаш идеја која ќе го направи светот малку подобар?“. Епа… имаше. Така Петар се вклучи во проектот наречен „European youth at the frontlines of active citizenship“, финансиран од Erasmus+ програмата на Европска Унија. Благодарение на проектот тој доби можност да го создаде движењето „За Почиста Македонија“, да собере млади луѓе во Скопје и да организира разни чистачки акции низ места во природа. Идејата беше да се промовира здрав начин на живот со поминување време во природа и од таму се прошири во еколошко движење фокусирано и на градовите.

Не сакајќи да живеат на место каде улиците и природата се полни со ѓубре, млади активисти почнаа да шират муабети за движењето. Ја почувствувавме огромната поддршка преку Инстаграмот на За Почиста Македонија уште од самиот старт и, малку по малку, почнавме да се здобиваме со повеќе следбеници. Многу луѓе се приклучија на #ЗаПочистаМакедонија кампањата која имаше за цел да ги мотивира луѓето да го собираат ѓубрето кое го среќаваат и да ги споделуваат резултатите на социјалните медиуми со „пред и потоа“ слики. Но, отскочна даска ни беше нашата прва голема чистка на Водно со која се појавивме на радарот на медиумите. Телевизиите и новинарите ги забележаа нашите активности и наеднаш, почнавме да добиваме покани за интервјуа и утрински програми. После ова и уште неколку други големи чистки (Козјак, Марков Манастир) почна да не бие добар глас и пошироко во земјата – бевме мотивирани повеќе од било кога да допреме до луѓето и да продолжиме со нашата работа.

Но, За Почиста Македонија не се рашири само меѓу Македонците… Не многу подоцна, допревме и до група од странски волонтери кои живеат во Македонија кои истотака не можеа да го поднесат убрето на улиците и во природата. Со безброј идеи за ширење на движењето и за градење на одржлив еколошки ентитет во Македонија, тимот на ЗПМ стана поголем и поинтернационален.

До далеку стигнавме од тогаш. Сè уште си се придржуваме кон нашите сакани чистки кои служат за пример, а во меѓувреме го растеме движењето и ги инспирираме младите луѓе низ целата земја да се активираат. Нашата главна цел е кревање на свеста на граѓаните и создавање на мрежа која ќе ги обедини сите досегашни организации кои се справуваат со проблеми поврзани со загадување, рециклирање и третирање на отпад во Македонија. Сакаме да понудиме место каде било кој би можел лесно да дојде до информации за еко-движења, организациите и нивните активности, за да можете да одлучите како сакате да се активирате. Нашата група од Гринфлуенсери постојано расте со силни карактери кои сакаат промена. Постојано работиме на тоа како да растеме и да го подобруваме движењето – следува уште повеќе акција!